அதிரசம்

அதிரசம்


தேவையான பொருட்கள்

பச்சரிசி-2 கப்
வெல்லம்- 2 கப்
பொடித்த ஏலக்காய்- நான்கு
எண்ணெய்- பொரிக்க தேவையான அளவு

செய்முறை:-

# பச்சரிசியை ஒரு மணி நேரம் ஊறவைத்து பின் நீரை வடிகட்டி நிழலில் உலர்த்தவும்

# மிக்ஸியில் பொடித்து சலிக்கவும்
அடுப்பில் ஒரு கனமான பாத்திரத்தை வைத்து வெல்லத்தை அதில் போட்டு அது மூழ்குமளவு நீர் ஊற்றறி பாகு காய்ச்சவும்

# பாகு கொதிக்க போது அதை வடிக்கட்டி ஏலப்பொடி சேர்த்து மறுபடியும் காய்ச்சவும்

# ஒரு தட்டில் குளிர்ந்த நீரை எடுத்து வைத்துக் கொண்டு, கொதிக்கும் பாகில் ஒரு சொட்டை எடுத்து அதில் ஊற்றினால் பாகு கையில் திரண்டு உருட்ட வரவேண்டும். இதுதான் சரியான பதம்

# பாகை இறக்கி வைத்து விட்டு, கொஞ்சம் தனியே எடுத்து வைத்துக் கொண்டு, மீதிப்பாகில் மாவை கொஞ்சம் கொஞ்சமாகத்தூவி மாவை நன்கு கலக்க வேண்டும்.

# சப்பாத்திமாவை விட சற்று இளகலாக அதிரச மாவு இருக்க வேண்டும்

# பாகு தேவைப்பட்டால் எடுத்து வைத்துள்ள பாகை கொஞ்சம் சேர்த்து கொள்ளலாம்.

# இரண்டு நாட்கள் கழித்து மிதமான தீயில் அதிரசங்களைத்தட்டி, பொன்னிறமாகப் பொரித்தெடுக்கவும்

# மேலே ஒரு சின்ன கிண்ணம் வைத்து லேசாக அமுக்கினால் மிதமுல்ல எண்ணெய் வந்துவிடும்



*****