எண்ணைக் கத்திரிக்காய் குழம்பு

எண்ணைக் கத்திரிக்காய் குழம்பு

தேவையானப் பொருட்கள்:

கத்திரிக்காய்
புளி - 1/2 ஸ்பூன்
சாம்பார் பொடி - 1 டேபிள்ஸ்பூன்
கடுகு - 1/2 டீஸ்பூன்
கறிவேப்பிலை - சிறிது
நல்லெண்ணை - 4 டேபிள்ஸ்பூன்
உப்பு - தேவைக்கேற்றவாறு
புண்டு- 2



அரைக்க:-

தேங்காய் -1/4 கப்
வெங்காயம் -1/2
கடலைப்பருப்பு - 1/2 டீஸ்பூன்
உளுத்தம் பருப்பு -1/2 டீஸ்பூன்
வெந்தயம் - 1/2 டீஸ்பூன்
காய்ந்த மிளகாய் - 3
மஞ்சள் தூள் - 1/2 டீஸ்பூன்
சீரகம்- 1/2 ஸ்பூன்



செய்முறை:

#. புளியை தண்ணீரில் ஊற வைத்து, கரைத்து, புளித்தண்ணீரை தனியாக எடுத்து வைக்கவும்.




#.ஒரு வாணலியில் 1 அல்லது 2டீஸ்பூன் எண்ணை விட்டு, அதில் கடலைப்பருப்பு, உளுத்தம் பருப்பு, வெந்தயம்,வெங்காயம், தேங்காய், மிளகாய் ஆகியவற்றைப் போட்டு சிவக்க வறுத்து எடுத்து, ஆறியவுடன், சிறிது மஞ்சள்தூள்,உப்புச் சேர்த்து வதக்கவும்.





#.வருத்த கலவையை மிக்ஸியில் போட்டு நைசாக அரைக்கவும்.




#.கத்திரிக்காயின் காம்பை இலேசாக நறுக்கி விட்டு (காம்பை முழுதாக நீக்க வேண்டாம்), அதன் அடி பாகத்தை நான்காகக் கீறிக் கொள்ளவும். அதில் அரைத்த கலவையை நன்றாகத் திணித்துக் கொள்ளவும். மீதியை தனியாக வைத்துக் கொள்ளவும்.



#.ஒரு கடாயில் எண்ணையை விட்டு, எண்ணை சூடானதும், அதில் கடுகு போடவும். கடுகு வெடித்தவுடன், கறிவேப்பிலையும்,பூண்டும் போட்டு வதக்கவும்.


#பின்பு அதில் ஸ்டப் செய்த கத்திரிக்காயையும் சேர்க்கவும். கத்திரிக்காயை ஒன்று ஒன்றாக எடுத்து, தனித்தனியாக இருக்கும்படி போடவும்.


#.ஒரு மூடியால் மூடி, அடுப்பை சிறு தீயில் வைத்து வேக விடவும். ஒரிரண்டு நிமிடங்களுக்குப் பிறகு, மூடியைத் திறந்து காயைத் திருப்பி விடவும்.

#.கத்திரிகாயின் தோல் நிறம் மாறியதும், அதில் புளிக்கரைசல்,சாம்பார் பொடி அரைத்து வைத்த கலவையையும் சேர்த்து,லேசாக காயை திருப்பி விட்டு மீண்டும் மூடி வைத்து கொதிக்க விடவும்.


#.ஒரு கொதி வந்ததும், அடுப்பை சிறு தீயில் வைத்து, குழம்பு சற்று கெட்டியாகும் வரை வைத்திருந்து, இறக்கி வைக்கவும்.


................................................